I due für’s Läbe gärn Baschtle, Näie und Lisme.

Mit mine säuber gmachte Sache bini normalerwis uf Dorfmärite oder Wiehnachtsmärite ds finge. Aber wie so bi viune angere ou, hetmer die aktuelli Situation ä Strich dür d Rächnig gmacht. 

Da momentan weder Dorfmärite no schüsch irgend welchi Verastautige stattfinge woni mini säubergmachte Sache cha ussteue, hani beschlosse, dr Wäg is Internet ds beschritte. 

Mini ganze Sache woni da due abiete si handgmachti Einzustück woni i mire Freizit mit viu Fröid u Spass due härsteue. 

Geits dir nid ou so; du wirsch zu Fründe oder Bekannte zum Geburtstag, zur Weihnachte oder ou eifach schüsch zum Ässe iglade und du weich nie was söusch mitbringe?

De hani hie genau ds Richtige für di. 

Verschideni handgmachti, einzigartigi Mitbringsu wo si sicher no nid hei und wo ohne ganz sicher wärde Fröid mache. 

We dir mini Sache und ou mini Internetsite Fröid macht, de sägmer doch das mitem Chnopf oben «i möchte öppis säge». Merci viu mau. 

Liebi Grüess
Stefanie